ToDay Is My Birth Day …!!

 

 

 

 

السلام عليكم ورحمه الله

 
ازيكم يا زواااارى الكرااااااام … طبعا كل سنه وانتوا طيبن بمناسبه انتهاااااء الامتحانات ومبروووك ع الاجازة … ياااارب تكووون سعيده ومفيده لكل الناااس ان شاء الله
طبعا فتره الامتحانات عدت بلحوها وبمرهااا ..بكل ما فيها الحمد لله .. والواحد بجد مكنش له نفس يكتب خااالص فى الفتره دى

بس النهارده انا قررت اكتب …
النهارده 12/6/2009 انا كملت عشرييييييييين سنه … يااااااااه ده الواحد كبر اوووووى اووى … بقاااله عشرين سنه عااايش والحمد لله

وبالمناسبه دى انا قررت اغير الاستايل بتاع البلوج قلت اغمئها شويه بقى .. علشان اطفى الشمع وكده يعنى فى الضلمه دى

يمكن انا اول مره احتفل بعيد ميلادى ع المنتدى لان كنت اتقطعت عن البلوج فتره كده كان فيها عيد ميلادى اللى فات ..

بجد الاياااام عدت بسرعه اووووى انا تقربيا فاكر اول عيد ميلاد ليا كانه امبارااااح والله … هو انا فاكر منه حاجات بسطيه اصل انا كنت صغير اوووى كان عندى سنه يعنى

ده اول عيد ميلاد ليا

هما بيقلوا انه كان يوم جميل وجالى هدايا ولعب كتيييييير .. بس بصراحه انا مش فاكر كل ده

النهارده بقى عيد ميلادى العشريييييين …. عشرين سنه بجد كان فيهم حاجات حلوة كتييييييييير وحاجات وحشه كتييييير بس الحمد لله انهم عدوا على خير

وبجد انا النهارده بشكر كل الناس اللى ساعدتنى واى واحد ساعدنى باى حاااجه مهما كنات صغيره

وبشكر طبعااا والدى ووالدتى واختى ليهم بجد دوور كبير فى حيااااتى … وبجد بشكر ناس تانيه ليهم برده دووور كبير جدااا فى حيااااتى كانوا دايما معايا على طووول فى كل حاجه ربنا يخليهمولى يااارب ومش يرحمنى منهم ابدااا … وطبعا خالى ربنا يجيبه من بالسلامه بجد وحشنى

وبشكرا طبعا كل اصحاااابى كلهم كلهم … لانهم بجد كانوا جنبى طول ما انا فى الكليه وفى اى حاجت بتحصل ليا

انا كل ما اتمناه بعد ما كملت عشرين سنه بجد مش كتير بدعى ربنا بجد انه يحققهولى .. وانا هعمل بجد كل اللى اقدر عليه علشان احقق اللى انا بتمناه ده .. لان بجد لو حققته هبقى اسعد واحد فى الدنيا بجد

اناالحمد لله بجد سعيييد ومبسوووط دلوقتى .. بس لو حققت اللى بتمناه هبقى اسعد واسعد

يمكن انا النهارده مش مبسوووط اوووى فى عيد ميلادى النهارده .. لان بجد كان نفسى ناس كتير غايبه عنى تكوووون معايا فى اليوم ده علشان تكمل فرحتى .. اللى مساافر ومعندوووش نت واللى عنده امتحانات …. بجد ربنا يعدها على خير الظرووف دى ويرجعولى بالسلامه لانهم بجد وحشوونى اوووى اووى

وبجد انا عيد ميلادى الحقيقى يوم ما يرجعوووا تانى وابقى معاهم

ويااااريت اى حد مضايق منى او انا ضايقته بحاجه مش يزعل منى انا اكيييييد مش اقصد بجد .. انا مش بحب ازعل حد منى والله مهما كانت الظروووف

وكل سنه وانتوا طيبين والسنه اللى جايه اشووفكوا متخرجين على خير كده ان شاء الله

 To Day Is My Birth Day

Happy Birth Day To Me

يلا كفاااايه كده علشان صدعتكم … اروووح بقى اكل التورته بتاعى

Slaaaaaaaam

@lex M!D0o0

 

 

Good Day … !!

 

 

السلام عليكم زواااارى الكرام

البوست اانا داخل اسجل فيه اليوم التاريخى بتااااع امباااارح يوم  الاحد

 (24/5/2009) 

 والحمد لله عدى كللله على خير

اليوم كان فترتين او حفلتين او جزئين زى ما انت عايز تقووول قوول  والحدثين كانوا اهم من بعض

اول حدث ….. امتحان الاميدج

  ( image processing )

فى تمام الساعه التانيه ظهراا

الحمد لله الواحد دخل اللجنه فى مدرج (ج) وكانت المفاجاه تغير الاماكن وده شئ بجد يمكن زعلنى جداااا الواحد كان عامل حسابه انه هيقعد فى نفس المكااان .. يلا بقى

المهم قدعنا نستنى ورقه الاجابه تقربيا الناس كلها اخدت ورق ما عدا احنا والساعه بقت اتنين وخمسه والراجل بيقوول وزع ورق الاسئله وانا مش معايا ورق اجابه اصلا 

الحمد لله ربنا كرمنا وجالنا ورد اجابه واسئله  :)  طبعا الماده من غير ما اتكلم عنها يعنى ماده بجد زى الفل هو الواحد كان حااااااارق فى دمه وعمال يزاكر دى اس بى وفورير وبتااااع وفى الاخر يجى سوااال تييييييييت زى بتاع الميد ترم كده بالظبط .. المشكله الكبرى ان من كتر اللخبطه اللى كانت فى السوال ده انا كنت داخل مش عارف الاجابه الصح والحمد لله يعنى حطيت اللى فيه النصيب فيه وعدى 

باقى الامتحان كان ايمدج وكان كويس بس طوييييل شويه ودى كانت نهايه الحدث الاول والحمد لله عدى على خير عقبااااال الباقى  :)

الحدث التانى ( يمكن ده اهم بالنسبه ليا  :)  ) … بطوله الدورى بين الاهلى والاسماعيلى  .. فى تمام الساعه السابعه مسااء

طبعاااااا الربع ساعه الاولى ضااااعت فى المواصلات على بال ما روحت وكده 

بس الحمد لله الحمد لله بجد يعنى الاهلى كسب الدورى واخدنا منهم .. مش عااارف منهم بقى مييين تقربيا كل فرق الدورى كانت بتعلب برووح ( الشرف .. الوطن .. الاهلى يخسر الدورى )

بس الاهلى طووووووووووول عمره كبييييير ومش بيهمه حد .. ولا اسماعيلى ولا زمااااالك ولا طلائع ولا حتى بنى عبييييييييييييد ( اه بتوع الزمالك دوول )  مع احترااااامى لكل الفريق يعنى

وان شاء الله الزمالكاويه مش يزعلواااا هياخدوا الدورى فى يووووم من الاياااام اكييد بس هيكووون الاهلى عملوا له دورى درجه اولى ممتاز لوحده فوووق 

مليوووووووووووووون مبروووك للاهلى ولكل الاهلااااااااااااااااويه الجامدين اوووى

ونقوووووووووووووووووول تانى مبروووك للاهلى

ده كانوا الحاجتين اللى كانوا فى اليوم الجميل بتاع امباااااارح .. والحمد لله عدوااا تمام وبخير

وطبعااا الواحد داخل على امتحااااااااااااااان

 (HCI )

 يعنى من غير ما اقووووووول ربنا يستر فيها بقى

بجد الماده فيها كميه كلاااااااااااام نظرى رهيييب ومينفعش يتفهم احفظ على طووووووووول

وطبعا انا بينى وبين النظرررى عداااااوة بكره جدااااااا وبصراحه حاجه تزهق لما تقعد تحفظ كده وكمان فى عوااااااامل خارجيه تخلى الواحد مش يزاكر بنفس اصلاااااااا …     بدووون زكرها يعنى

يلا اما نشوووووف هنعمل ايه فى الماده اللطيييييييييييفه دى … 

ادعوووووولى انها تعدى على خيييييييير بقى

Slaaaaaaaaaam

@lex M!D0o0

 

 

S0o0 HarD … !!

 

ازيكم يا زواااارى الكراااام … ياااارب تكونوا فى احسن حاااال

بما ان الفتره دى كلها امتحانات وتعب اعصااااااااااب وقلق يعنى من غير اى حاجه وربنا يعديها على خير علينا كلنا ياااااااارب والترم ده يعدى على خييير

يمكن انا دخلت اكتب النهارده علشان بجد كميه القلق الللى انا فيها اليومين دووووول والله … انا يمكن طبعااا جزء منها كبيييييييير من الامتحانات والفتره دى زى اى حد طبيعى يعنى .. بس انا بقى زاااايده اوووى معايا

انا يمكن من النوع اللى بقلق من اى حااااااجه وبقلق بسرعه جداااااااا جداااا وده بيخلى المود بتاعى مقلووووووب دايما وقليل اوووى لما بيبقى تماااااااام بس انا والله مش كده مش حزييين على طوول مش كئيب يعنى القلق اللى بيخلينى كده … لكن انا اصلا فى الحقيقه عكس كده خاااااااالص والناس القريبه منى عااارفه كده كويس جدااااا

يمكن انا بجد اليومين دووول نفسى اطمن على انسان عزيز عليا ونفسى اشوووووفه بجد اووووووووى والله وربنا يجيبه بالسلامه يااارب 

بس حكااايه القلق دى بجد مسببالى مشكله فى حياااتى بحس انى على طووول كده متضايق بس والله ده من كتر قلقى على الناس اللى بحبهم ويهمووونى جداااااااااا واكيييييييد مجرد انى مش اعرف اخباهم او احس ان فى حاجه مش تمااام ببقى قلقاااااااان جدااااااا  بجد

يعنى انا يمكن بحس ان التوتر والقلق ده من الضغط على الواحد ومع كميه الاخبار سعات الوحشه اللى بتجى مره واحده كده … والحوادث والحاجات دى اكييييد بتاثر فى الواحد وهى بتعمل فيا كده 

بس مش عارف اعمل ايه علشان اتغلب على القلق ده ياااااااارب بقى الواحد يطمن على طوووول على اى حد يقلق عليه كان هيبقى تمااااااام 

وده اللى نفسى يحصل لما اقلق على حد اطمن عليه لكن اللى بتعبنى اللى مش بعرف اطمن على اى حد بقلق عليه الا بصعوووبه ..يلا ربنا يستر 

وادعوووولى ان الفتره دى تعدى على خير

يلا سلاااااااام بقى علشان صدعتكم

 

 

 

BaaaD Two Weeks

 

السلام عليكم ورحمه الله

يااااارب الناس كلها تكون بخير وتماما … ويكون امتحانات الميد ترم كانت كويسه مع الناس كلها مع انها مكنش باينلها ملااااااامح خاااالص  

المهم البوست ده بجد انا اجلته كتييييييييييييييييييييييييييييييير جدااا ومكنتش عايز اكتبه بس انا خلاص بجد معدتش قاااادر كان لازم اتكلم كان لازم اقول اى حاجه قبل ما انفجر بجد …ربنا يستر

انا مر عليا اسبوعين اللى هما اخر اسبوعين دول بجد كانوا صعبين رخمين كان فيهم كل حاجه وحشه بجد الحمد لله انى لسه عايش بعدهم المهم

كانت بدايتهم يوم السبت مع محاضره جميله خااااالص موقف اكتر من رااائع مليش اى زنب فيه والحمد لله كانت بدايه مبشره جدااا للاسبوعين دول طبعا الواحد اتفقل اليوم جاااامد جداااا  وعرفت انه اللى جاى مش هيبقى تماما والله

بقيت الاسبوع الاول عدا يوم فى التانى وحاجات غريبه عماله تحصل ازعل مع اعز اصحابى  وتحصل مشكله كبيره جداااا بس الحمد لله اتحلت وكله بقى تماما تانى ….

وانسان تانى غااااااالى عندى جدااااجدااااا احس انه زعلاااان منى .. والمشكله انى مش عارف السبب ومش عارف اعمل ايه وبجد نفسى اطمن عليه اوووى اووووى  وربنا يسسسسسسسسسسسستر

والاسبوع الاولانى عدى بحلو ومره والمفروووض يعنى ان الواحد يزاكر علشان الاسبوع التانى كان الميد ترم وكده والحمد لله الواحد مش بدا يزاكر الا يوم الخميس لما اتزنق كالعاده  .. واول ماده دى كانت رهييييبه بجد مش عارف بتتزاكر ازاى؟؟؟

الاسبوع التانى بدا وبدات معاه امتحانات الميد ترم … اول ماده كانت يعنى الحمد لله ووراها ماده سهله والماده التالته الواحده كتب فيها … الماده الرابعه بقى كانت ليتلها كانت بتدل اصلا انه مفيش امل .. مش هتجاوب يعنى مش هتجحاوب صداااع رهيييب .. الواحد يبدا مزاكره متاخر والمشكله ان اللى الواحد زاكره مجاش منه الا حاجات بسيطه ندخل بقى امتحان الاميدج اللى هو المفروض كان( دى اس بى ) حاجات اول مره اشوفها ورموز ملهاش علاقه ببعضها وحاجه زى الفل وسوال كامل مش اشوفه مع انى عارف اجابته بس نقووول الحمد لله  وطبعا الماده الاخيره مفيش لازمه نتكلم عنها

واخيرا الواحد روح البيت بعد ما قضى اسبوعين ربنا يعلم عدوا ازاى فى المنصوره دى … المشكله بقى الواحد نفسه بقى يفرفش ويظبط نفسه بعد الاسبوعين الطحن دووول بس بجد انا مخنووووق خنقه ما يعلم بيها الا ربنا مفيش نفس اخرج واعمل اى حاجه مش عارف ليه 

نفسى اسمع خبر حلو بجد نفسي افرح بقى بجد زهقت … والمشكله انى مستنى خبر لو طلع هو كمان وحش يبقى كده كلمت والواحد بقى يروح فى اى داهيه بقى ويرتاح ويريح الناس منه بجد … استغفر الله العظيم 

معلش انا كأبت الناس معايا بس بجد كان لازم اتكلم لانى خلاص كنت على اخرى اسبوعين مخنووووق ومفيش حاجه عدله بتحصل .. كتيييييير برده والله … حراااااام والله 

المشكله ان مش اى حد انا برتاح معاه وبعرف اتكلم واقول اللى جوايا وبكون ساعتها مرتاااااح جداااا بجد  … ناس قليله جداااا جداااا

ادعولى بقى انى اسمع خبر كويس كده …. ويكون الخبر اللى انا مستنيه يطلع كويس وتماااام .. ربنا يستر

والحمد لله على كل شئ

Slaaaaaaaaaam

@lex M!d0o0 

 

 

 

No Songs After Today ISA

 

” اللهم انك عفو كريم تحب العفو فاعفو عنا “

السلاااااااااام عليكم ورحمه الله وبركاته

النهارده انا ادخل اتكلم فى البوست ده على حاجه مهمه جدااااا فى حياتى …. بجد انا ترددت كتييييييييير على قبل ما اكتب البوست ده …. يعنى لان القرار ده اخدته مع نفس كتيييير قبل كده بس كل مره مكنتش بكمل كنت بستسلم

يعنى الحمد لله انا قررت انى … هنقطع عن الاغانى نهائياااا .. معدتش هسمع اغانى تانى ان شاء الله

يمكن بجد القرار ده اخدته مع نفس كتيييييييييييييييير وكنت كل مره بجد اقعد يوم يومين وارجع تانى … بس بجد المره دى انا نااااااااااوى انى مش هرجع … والحمد لله بجد بقاللى فتره مش بسمع اغانى خااااالص وربنا بجد هادى الواحد ومساااعده على كده

يمكن نااااس كتييير استغربت انى عملت كده وكانت عايزه تعرف السبب وتقولى فجاه كده طب ازاى طب سمعت ايه طب عملت ايه يعنى خلاك تبطل تسمع اغانى

والله من غير ما اسمع حاجه لوحدى كده فجاه انا اصلا كنت نفسى اعمل كده من زمان لانى بجد كنت بقعد اقووول طب ايه الفايده منها يعنى القران احسن منها ميه مره …. والحمد لله اخدت القراااار وان شاء الله لا رجعه فيه

يمكن انا مش اخدته لوحدى اينعم كان فى ناس تانيه معايا وبتشجعنى وهما اللى يمكن ليهم الفضل انى اقبل ع القرار ده بشكل جاااااااامد واكون ناوى ان شاء الله انى مش اسمع تانى

بس بجد انا حسيت براحه كبيررره اووى … يمكن الاسبوع اللى فاتت الدنيا كانت ملخبطه شويه عندى … بس الحمد لله الواحد ثابت على موقفه … لحد ما نكون مقربين من ربنا خالص ان شاء الله .. محدش عارف هيموت امتى … وبجد انا بقيت بتوقعها فى اى وقت يعنى من اللى شوفته قبل كده … هو اه احنا مش جاهزين بس الواحد يحاول يعمل اللى يقدر عليه

وبجد انا بدعو الناس تجرب كده تسيب الاغانى …. بجد فكرووا فيها هتلاقوا ملهاااااش اى لازمه

اهم حاجه بس عايزكوا تدعوووولى ان ربنا يثبتنى ع القرار ده ان شاء الله ويهدنى ويهدينا جمعيااا ان شاء الله

شكراااا ……. سلاااااااام

@lex M!d0o0 

 

-: المصارحه بالمشاااعر :-

 

 

 

 

 

السلاااااام عليكم
ياااااااارب الناس تكوووون كلها بخير وتماااااااام
البوست المره دى يعنى عنى حاجه حسيت انى عايز اتكلم عنها …. حاجه يمكن بتقابل ناس كتيييييييير

“المصاااارحه بالمشااااعر ”

ان الواحد يصاااااارح انسان تانى بمشاااااعره نحيته …يمكن دى حاااااااجه بجد صعبه يمكن من وجه نظرى انا
بس بجد الانسان لما بيحس بمشاااااعر معينه نحيته انسان تانى … سواء كان الانسان ده حبيب صديق او اى شخص تانى يعنى
بتبقى حاجه بجد صعبه ومحتاااااااااجه لوقت كبيييييييير اوووى علشان الواحد يقدر يصارحه بالمشاعر دى ويقدر يعمل الخطوه دى
طب ليه يعنى …اكيد يعنى الواحد بيبقى خايف من حاجه تحصل .. اكيييييييييييد

يعنى ان الانسان يقووول لشخص تانى اللى حاسه من نحيته … ويلاقى عدم القبووووول منه ودى بجد بتبقى حاجه صعبه جداااااا
او يكون الشخص ده قلبه متعلق بحد تاااااااانى …. ويخاف يقوله كده فيصدمه وهو ملوووش اى زنب يعنى انه حس حاجه
وجه يقووول على اللى هو حاسه

او يكون الشخصييييييين حاسين نفس المشااااعر نحيه بعض …بس كل واحد خايف ومستنى التانى هو اللى يبدا … بالكلام الاول

  

علشان كده الحته دى بجد بتقى صعبه اووووى اوووى
طب الحل ايه …. اكيييييد لازم يكون حل بدل من المواقف المحرجه دى … واللى ممكن تسبب فى ضياع شخص تانى

ممكن الواحد يظهر الاهتمام بالشخص ده …يعنى يظهرله انه مهتم بيه فى كل حاجه … يحسسه بكده
لحد ما يتاكد انه يعنى فى قبوووول شويه وانه حاسس باللى عايز يقوووووله … ممكن الواحد ساعتها يروووح يتكلم بقلب جاااااامد وهو مطمن

وممكن تكون المشاعر دى مش حب ممكن تكون اى حاجه تانيه نحيه اى شخص … انه مثلا مش متقبله وهو ماشى معاه غصب عنه بس مش عايز يقوله كده علشان مش يجرحه

فانا عايز ارائكوااا فى حكايه المصارحه بالمشاااعر دى
هل هى سهله جدااااا وبسيطه …. ولا وهى بجد صعبه جدااااااا زى ما انا شايف ؟؟؟

Slaaaaaaaaaaaaaam

Alex Midooo

 

 

انا وهوايتى

 

 

السلااااام عليكم …. النهارده انا هتكلم فى البوست ده عن حاجه يمكن مهمه ليا فى حياااااتى جدااااا … وحاجه موجوده فى حياه كل انسان …هى الهوايات اللى الواحد بيحبها

يمكن لو الواحد سال اى ولد بتحب ايه هيقووول الكورة ( كره القدم يعنى ) مش عارف دى اجابه طبيعيه باين  .. والبنت تلاقيها بتقووول الرسم .. طبعا كل واحد عنده هوايه مختلفه مش لازم دول يعنى

انا بقى يمكن من يوم ما اتولدت وانا بعشق حاجه اسمها كره قدم بجد … يمكن دى الحاجه اللى مسيطره عليا جدااااااا فى حيااااتى سواء ممارسه او مشاهده او تشجيع .. الى اااااخره يعنى   

يمكن ما وانا فى حضااانه من زماااااااااااااان ( كانت ايام جميله والله ) وانا بحبها جدااااااا وبعلب على طوووول وكانوا فى البيت بيعانوا من الحته دى … لان مكنش فى مزااااكره اكييييييد وكل فكرى مشغوووول بيها ..الكوره يعنى

وطبعا والواحد طالع بقى( ابتدائى – اعدادى – ثانوى )والواحد مش بيبطلها خاااااااااالص … تلاقينى فى كل حاجه فريق الفصل تلاقى … فريق المدرسه تلاقى … يمكن انا كنت معروووف بيها بجد معرووووف الاسكندرانى انه بيعلب كووورة  هههههههههه

واز فى يوم كده …. بجد كان نفسى ارووح اتدرب فى نادى او كده … وانمى الموهبه دى اكتر واكتر …بس طبعا الطلب دى اتقااابل فى البيت بالرفض التااااااااام علشان الدراسه والمزاكره والدرووس وكده مع انى كنت وقتها صغير بس بقى تقوووول لمين  وبجد بندموااا دلوقتى جاااااااااااامد انهم مش خلونى العب  ههههههه بس بعد ايه بقى

بس طبعااااا انا مش بطلت يعنى …. الحمد لله يعنى يمكن انا مش بشوووف نفسى بعرف العب اوووى ..بس انا بجد بحب الكوره جداااااااا جدااااااا … واللى معايا بيقولوا انى بعرف العب كويس 

وطبعا من صغرى وانا برده بشجع الاهلى بتعصب جداااااا جداااااا … مش عارف بحبه جدااااااا الفريق ده … ومستحيل افوت ماتش له مهما كانت الظروووف  … لو عندى تانى يوم امتحان ايه برده لازم اتفرج

يمكن هوايتى دى مسيطره عليا … والمفرووووض الطبيعى يعنى الهاويه الواحد بيمارسها فى وقت فراااغه لكن انا عندى فى اى وقت انا مستعد بجد … يعنى والله انا ببقى ماشى مجرد انى اشوف كورة او اسمع صوتها والله رجليا بترووح لوحدها راكبها عفريت باين ولا ايه مش عارف   

يمكن الناس تشوووف ده وحش واانى مزودها بس بجد … انا مبسوووط جدااااا كده  يمكن انا ليا هوايات تانيه كتيييييير بس دى اكتر حاجه بحبها جدااااااا

يمكن انا حبيت اتكلم عنها فى البلوج لانها يمكن من الحاجات الاساسيه فى حياتى …. وان شاء الله مش ناوى ابطلها برده فى المستقبل

بس انا عايز رايكوا  .. هو ده كويس ولا وحش ولا انا اللى مزودها … بس هو بجد غصب عنى حاجه من جواايا هى اللى بتعمل كده … هو انا كده كده مش هبطل يعنى … بس برده عايز اعرف رايكوا

يلا سلااااااااام بقى علشان شكلى صدعتكم … وتلاقيكوا بتقولوا ايه الاهبل ده

طبعا فى الاخر احب اقووول الف مبرووووووووووك لكل الناس اللى فى( اااى اس او سى اس )  على النتجيه ومبرووووك ع النجااااااااح

 

 

 

Baaaack To My Blog

 

سلاااااااااااااااام عليكم

من زماااااااااان وانا مش بكتب فى البلوووج بتاعى تقريبا من سنه كده  

وكنت كتيييييييير بقووول هرجع اكتب فيه تانى … بس للاسف بيحصل حاجه تخلينى مش ادخل تانى

والنهارده بقى لما رجعت من صلاه الجمعه قررت انى ارجع له تانى بجد كان واحشنى جدااااا مع انى مكنتش عشت فيه كتير يعنى … بس يعنى حسيت انى مبسوووط لما رجعت اكتب فيه تانى  .. يمكن الكتابه هتبقى بصفه اسبوعيه كده لما ارجع للنت بتاعى 

او على بال ما النت يتعدل فى المستعمره اللى انا قاعد فيها – الكلمه دى بتفكرنى بالمستعمره دى حته  فى المحله كنا لعبنا فيها كورة هههههه – ياااارب يتعدل بقى النت ده

يمكن فتره انقطاعى دى حصل فيها حاجات حلوة كتيييييييييييير وحاجات وحشه كتيييييييييييييييير بجد كانت فتره صعبه اوووى اووى … الحمد لله انها عدت على خير

وكنت عايز اغير الاستايل بس لو كنت غيره كنت هخليه اسود وقلت ده احلى كده .. ولا ايه رايكوا ؟؟

انا النهارده دخلت اقووووول انى رجعت للبلووووج تانى اخيرااااا 

وطبعا النهارده يوم 6/3 عيد ميلااااااااد اعز اصحابى … وليد امييييين

واحب يكون اول بوست هنا اقوله :-

كل سنه وانت طيب يا ليييييييييدو يا حبيبى وعقباااااال 1000000 سنه

وان شاء الله انتظروووا البوست اللى جاى …. قريب ان شاء الله

Baaaaaaaaaaaack To My Blog

Alex Midooo

 

 

اقرب الناس ليك … ؟؟

السلام عليكم ورحمه الله وبركااااااته

النهارده انا هتكلم معاكوا فى موضوع جه فى بالى بعد مارجعت النهارده

من الامتحاااان يااارب تكونوا حليتوا كويس فى الامتحان اللطيف ده

هو اكيييييييد مهم يمكن بالنسبه ليا …. بس هو موجود فى حياتنا على طوووول

هو ان كل واحد فينا اكييييد بتجى عليه فتره صعبه فى حياااته بيقى متضايق عنده ظروووف اى حاجه ده مش موضوعنا …

بس اييييييه اللى يخرجه من الحاله دى …اكيييييييد كل واحد بيحتاج ان يكون جنبه حد قريب منه يكووون اقرب الناس ليه فاهمه حاسس بيه بيفمهم من غييييييير ما يتكلم الانسان ده الوحيييييييد اللى يقدر يفضفض معااااه بكل حاجه ميتكسفش وهو بيقول قدامه اى حاجه ميتكسفش لما دموعه تنزل وهو قاعد معااااااه

هل كل واحد فينا الانسان ده موجود فى حياااته فعلا ؟؟

يعنى لما بيبقى فى الحاله دى بيلاقى الانسان ده معاااه ولا بعيييييد عنه ولا بتهرب منه علشان ميسمعوووش ولا اييه ؟؟؟

بس فى حاجه … انننا مش كلنا زى بعضنا يعنى كل واحد فينا بختلف عن التانى

بمعنى ان لما اى حد فينا بيبقى فى الحاله دى … احنا بننقسم الى انواع على حسب الانسان اللى بندور عليه ده.. !!!

ممكن ….

يكوون الانسان ده ” َقريب”

يعنى من اهلك وقرااااايبك (مامتك او باباك ) او اى حد قريب منك من اهلك انت كنت قريب منه فى فتره من حيااااتك لقيته هو اللى فاهمك هو اللى يقدر يساعد هو اللى يقدر ينصحك هو ده الانسان اللى بترتاح معاااه

يكوون الانسان ده “صديق”

كلنا مرينا بمراحل طفووووله وايام جميله جدااا لحد ثانوى لحد ما قبل ما ندخل المجتمع الجديد اللى احنا عايشين فيه دلوقتى اكييييد قابلنا صديق( اخ او اخت ) فى طريقنا ده زى ما بنقوووول ” انتيييم ” كده يعنى فاهمك وفاهمه كويييس اوووى لدرجه بعديه المدى بتحسوا ببعض من غير كلااام ..اكيييييد هو ده الانسان اللى بتنسى الدنيا معاااه اللى بتحس انه مرايتك فى الدنيا وهو اللى بتتكلم معاه

يكوون الانسان ده ” حبيب ”

كلنا عندنا مشاااعر وعوااطف ممكن اى حد يتاثر بحد يعجب بحد يحس بحد احساااس محسوووش قبل كده يلاقى فيه اللى مش لاقيه فى اى حد ..يبقى معاااه انسان تانى خالص يحس انه فاهم على طوووووول بيحس بيه دايما بيكون معااه فى اوقااات احزانه اكتر من اوقات افراحه.. طبعاده اكييييد ممكن بكووون الزوج او الزوجه مش لازم الحبيب بالمفهووم التانى يعنى .. يبقى هو ده الانسان اللى ممكن تتكلم معااه

يكوون الانسان ده ” الوحده ”

معظمنا او كتيييييييير مننا لما بيكون فى اى حاله سووواء حزن او فرح واكترها بتبقى حزن بيحب يقعد لوحده على طوووووول مبحبش يحتك بحد مبيحبش يكلم حد مش لاقى اللى فى الدنيا دى فاهمه مش لاقى قدامه اللى يقدر بتكلم معاااه بكل صراحه فبتكون الوحده والهدووو ء هما دووول اصحابه

بس قبل ده كله طبعااا اهم حاجه لما تكوون فى اى حاله سواء حزن او فرح تلجأ لربنا الاول قبل اى حاجه هو ده اللى بجد هتلاقى الراحه عنده ز..قربله سواء لو كنت حزيين هيفرج كربك او لو كنت فرحااان علشان تحمده ع النعمه دى …هو الوحييييد اللى هيقدر يفهمك قبل اى حد

بجد انا حسسيت ان الموضوع ده مهم يعنى مهم ان كل واحد يبقى عارف لما يحس باى ضيق او فرح يروووح فين … يبقى مع ميييييين اكييييد الانسان ده هيساعد انه يخرج من حالته دى او لو كان فرحان يبقى هيشاااركه فرحته دى

بالنسبه ليا تقربيا انا الحمد لله عندى كله ….. بس مش عارف لما ببقى فى الحاله دى بلاقيهم عندهم ظروووف مش جنبى …بس لازم اقدر الظروووف دى برضه لان دووول بس فى الدنيا كلها اللى فاهمنى ولا ايييييه ؟؟؟

عايز اعرف من كل واحد وبصراحه هو تبع انهو نوووع … ميين الانسان اللى قريب منه؟؟

ياااااريت يكوون الموضوع كويس .. يمكن مش فريحى بس احسن من البوست اللى فات

وانا مااااااشى فى حياااتى بالكلمه دى والمبدأ ده ..

” عندما تضيق بك الدنيا الجأ الى من تحب ستجد عنده راحه الدنيا وستعرف انك احسنت الاختيار”

وعلى فكره انا اللى اللى كنت الفتها كده والله …فى مره كنت قاعد لوحدى

ياااااااااارب مكنش طولت عليكواااا

مستنى ارائكووا و ردودكوا

Alex Midooo

SaaaD MooD !!!

السلام عليكم ورحمه الله وبركاته

ازيكم … يااااااارب تكونوا بخييير

ده اول بوست ليا فى البلوج الجديد بتاعى ده … بجد مكنتش عايزه يبقى كده ولا انا ابقى فى الحاله دى وانا بكتب اول بوست بس هعمل ايه بقى الحمدلله

النهارده انا داخل اكتب لانى بجد تعباااااان اووووى مخنوووووووق معدتش قادر استحمل … الضغط بيزيد عليا والدنيا بتسود تسود تسود فى وشى كل ما اقووول هتتعدل من ناحيه ترجه تسود من ناحيه تانيه …

حاجات كتييييييير اووووى هى سبب حالتى دى منها حاجات عامه زى الكليه واللى فيها اللى تاعبه اعصابى من اول ما دخلتها بس الحمد لله على كل شئ واهو الواحد اتعود شويه … وفى حاجات تانيه كتيييييييير بس خاصه بيا انا مش هقدر اقولها هنا دلوقتى ..بس ادعولى انها تعدى على خييييييير بس مش باين والله انها هتعدى على خيييييير اللى بيحصل مش مبين كده خالص … يلا ربنا يستر بقى

بجد انا بسال نفسى سوال واحد نفسى اوصل لاجابه عليه .. ليييييه ده كله بيحصلى ؟؟؟ مش عارف هو الحمد لله على كل شئ بس بجد انا الحمد لله بعامل ربنا اولا كويس وبعامل الناس معامله والله كويسه جداا مبزعلش حد منى واللى بجد شايف انى بعامله وحش يقولى انا مش هزعل يمكن حصل موفق زعل منى فيه بس بجد انا مش قصدى اى حاجه .. بجد انا تعبت من ناس بتعاملنى بطريقه انا مستاهلهاش معملتش حاجه علشان استاهل الطريقه دى فى المعامله والله … نفسى اروحلهم واسالهم …

لييييييه بتعاملونى كده لييه ؟؟؟

الفتره دى من اسوا فترات حياااتى كل الناس ملاحظه عليا كده …اصحابى اهلى قرايبى .. من اول بدايه الترم ده تقربيا بدأ الجحيم عندى وزااد اكتر من بدايه الامتحانات واللى بجد معرفش انا حليت فيها ازاااى والله انا عارف ان الكل بيقووول دى سهله بس انا بجد بحل وبخرج وخلاااص والحمد لله وربنا يسسستر بقى..

بجد فى الفتره دى حسيت انى خلاص تعبت لدرجه انى معتدش حاسس باى حاجه عايش فى مود

” SaaaD MooD “

اسوا منه مشفتش ونفسى اخرج منه بقى نفسى بقى حاجه تمشى معايا تمااااام للاخر متفقش الدنيا فى وشى كده على طووووول مش عارف اعملها ايه الدنيا دى !!!! يلا الحمد لله

معلش استحملونى انا عارف انى اتكلمت كتييييير بس بجد كنت مخنوووق تعباااان اووووى وكان لازم اتكلم لانى مش لاقى حد اتكلم معاااه ويسمعنى

ادعولى انها تعدى على خييييييير الفتره دى …وان شاء الله البوست اللى جاى يبقى احسن من ده بكتيييييير

Slaaaaam

Alex Midooo